نداااااااااااااااااااء للأعضاء الجداد ................

[princess of egypt]

اخباركم ايه يا جماعه

ان بتمنى من كل عضو جديد انه يجي ويعرفنا بنفسه سواء في الموضوع ده

او في موضوع لوحده في القسم هنا

علشان نتعرف على بعض اكتر

ونقرب من بعض

لان كده بصراحه مينفعش

مافيش غير تلاته اربعه هنا اللي عارفينهم والباقي كل واحد في عالم لوحده

و اتمنى من كل واحد التعاون في الموضوع

و اهلا بيكو في المنتدى

[.: HollowMan :.]

صح والله فكرتك يا برسنسيس طول عمرك عبقرية

فكرة مية مية

[princess of egypt]

عبقريه ههههههههههه

يا سيدي من بعض ما عندكم

بس يارب يكون في استجابه

[بحر النسيان]

لا بجد موضوعك تمام يا برنسيس

وتم تثبت الموضوع لكى يوصل لكل الاعضاء

وبشكرك على مجهودك الجميل بالمنتدى

بحر النسيان

[princess of egypt]

ميرسي يا بحر على تثبيت الموضوع

بس زي ما قولت لمصطفى ياريت حد يعبرنا ويتفضل ويعرفنا بنفسو

ميرسي على مرورك يا بحر

[n01way]

ههههههههههههههه
ياجماعه كفيش حد بيعبره ليه بس وعلى الموضوع حاكون اول واحد لعرفكوم انا مين بس فى موضوع لوحدى معليش

[a7med elromansy]

السلام عليكم

تسلمى برنسيسة فكرة مميزة أكيد من عضو أيضاً مميز

يسعدنى أكون أول واحد يعرفكم بنفسه فى الموضوع
وأنا هرمى بياناتى كلها حالاً :d

الإسم : A7med
السن : 18 سنه و4 شهور :)
من المنصورة .. ميت غمر
بدرس كلية حقوق جامعه الزقازيق داخل سنه 2 إن شاء الله

اللى عاوز يعرف أى بيانات تانيه
أوكـ .. يدخل يسأل وانا هقوله مش تكسفوا :d

وأنا سعيد بالتواجد بينكم

[princess of egypt]

no1way

مشكور على مرورك وردك

.................................................. ...

احمد

بصراحه مش عارفه اقولك ايه

ميرسي بجد لمشاركتك الجميله

ومنور المنتدى واحنا سعداء بوجودك معانا

مشكور على مرورك

[viega]

هااااااااااااااااى يا احلى شباب
انا اسمى احمد من المنصوره وعندى 18 سنه وداخل اولى تجاره ولسه جديد فى المنتدى بس بصراحه انا حبيت المنتدى ده اوى وسعيد بيكم ويارب نفضل هنا علطول مع بعض...ميرسى اوى برنسيس انك اتحتيلنا الفرصه ان احنا نتعرف على بعض ويا شباب احنا مستنيين ردودكم كلنا علشان نتعرف على بعض...

[mostafa2010]

شكرا على الموضوع الهايل ده ويستاهل التثبيت فعلا اعضاء المنتدى محتجين يعرفو بعض :انا مصطفى من القاهره 20سنه وفى كليه التجاره برده زى حمد بحب المنتدى ده اوى وشكرا

[TiTo ElMsRy]

طيب خير خير يابرنسس
انا اسلام
24 سنه
من ميت غمر
مش عاطل الحمد لله
بشتغل بس بشتعل ايه هتلقيها تحت اسمى
:)
تسلملى بس موضوع فكرتو جمده

[meero]

بسم الله الرحمن الرحيم انا اسمى احمد مصطفى وعندى 20 سنة وصاحب عبد الباقى اللى هو اسمه بحر النسيان فى النادى ومحمد نجيب كمان
انا فى كلية علوم جامعة القاهرة
ومشكورين على المنتدى الجميل ده وانا من شبرا هههههه

[yasmina]

انا لسة جديدة هنا ياسمين من اليكس
بس مش عارفة اى حاجة عايزة انزل اغنية بهاء سلطان حب عمرى بيقولى الرد اكتبيه الاول اكتب الرد برضه مش عارفة بتنزل منين انا مش عارفة اى حاجة حد يقولى اعمل ايه

[hassaan sakr]

بجد بجد تسلم ايدك يا برنسيس على الموضوع الجامد دة يا قمر وانا ليا الشرف والله إني اتعرف على شباب عسل زيكم كدة . أسمحولي بقى اعرفكم بنفسي .....؟
انا حسان من الزقازيق 18 سنة . بدرس بمعهد حاسبات ونظم بامنصورة < أكاديمية الدلتا بالمنصورة > سنة اولى طبعاً . وربنا ما يحرمني منكم ويبارك ليا فيكم يا عساسيل انتوا

http://www5.0zz0.com/2007/10/09/17/92308536.jpg

[angel4egy]

elsalamo 3alikom
a7eb a3arafkom be nafsy we hakteb kida we be el anglish 3ashn kol yefhamny
ana i7san
masria
20 sana
3aisha ma3a 3elty fe el nemsa
iam ihsan
20 years old
live in austria
nice to meet you all

[احمد المنسى]

التعرف مهم فما بيننا ويا ريت كولنا نعرف بعض موضوع جيد يا برنسيس
عمتن تسلم يدك ومجودك العظيم ننتظر جديدك والمزيد

[ابو عيد]

السلام عليكم ورحمة الله وبركاتة بصراحة فكرة البرنسيسة ممتازة
معكم ابو عيد ولى الشرف ان انضم اليكم وتحياتى للجميع

[ابو عيد]

واحب ارحب بالموجدين حاليا معايا كل من اسلام ( تيتو المصرى ) احسان المصرية اللى بتكتب
eng

[ابو عيد]

بحر النسيان كان لسة معانا من شوبة ياترى راح فين

[ابو عيد]

وارجو بهذة المناسبة ان اطرح عليكم موضوع وهو طالما ان اى عضو من الاعضاء طرح فكرة للنقاش ياريت يتواجد لبعض الوقت وذلك لتبادل الاراء

[ابو عيد]

انا فى انتظار اراء السادة الاعضاء وشكرا

[ابو عيد]

]:pاضحك تضحك لك الدنيا

[رحمه]

السلام عليكم ورحمه الله وبركاته
انا بقي دخله هنا باصدفه بس شكلي كده هكمل معاكو باين عليكو عسسيل قوي
انا رحمه 23 سنه دبلوم تجاره بس يلا بقي رحبو بيا عايزه اشوف هترحبو بيا ازاي
:)

[رحمه]

السلام عليكم ورحمه الله وبركاته
انا جايه هنا بالصدفه بس شكلي هكمل معاكو عشان شكلكو كده عسسيل
انا بقي رحمه 23سنه دبلوم تجاره بس كفايه كده
رحبو بيا بقي

[اسامةسباع]

تسلمى برنسيسة فكرة مميزة أكيد من عضو أيضاً مميز


وعلي العموم

الاسم - اسامةسالم سباع

العمر - 28

العمل- صاحب محل موبيلات

الاقامة- مصر- المنصورة


وفي المنتدي مشرف قسم الجوال

[السلاقوسى]

حسين السلاقوسى
من المنيا

وانا ايضا سعيد بالتواجد بينكم

اعمل صاحب سيبر انتر نت
29 سنة
متزوج
الف شكر على الموضوع الجميل ده السلاقوسى

[السلاقوسى]

اهلا وسهلا رحمة

[princess of egypt]

والله يا جماعه كلكم منورين المنتدى

ومافيش احلى واجمل من كده اعضاء

ويسعدني ان ده يكون اول موضوع ارد عليه بعد غيابي

منورين بجد كمان مره

[الفنان]

موضوع يستاهل يابرنسيسه وانا كمان هاعرفكم على نفسى

اسمى : عمرو

السن:23

المؤهل:بكالوريوس حاسبات ومعلومات جمعة حلوان

من المنوفيه بس اوعوا تتخضوا اما تقروا اسم البلد

مش كلنا زى ما بتسمعوا وياريت تقبلونى صديق ليكم

http://www5.0zz0.com/2007/11/30/15/15946681.jpg

[sherifsamir]

شكرااااااااااا

[essa]

الله فعلا انتى برنسيسه والا اقولك عبقريه
فعلا موضوع جميل
وانا ها اقول اسمى الصحيح بقه عشان كل الا فى المنتدى يبقى عارفه وانا اسمى احمد
من المحله الكبرى
وكلكم اخوات ليه والله وانا ليه الشرف وشكررا جدا على الموضوع الجميل
ده تانى يا عبقريه
essa

[cute_2008]

بجد موضوع مهم يا برنسيس واهنيكى عليه
على العموم انا اسمى هايدى وعندى 21 سنة وجديدة في الموقع واتمنى صداقتكم

[رمز المحبة]

ممكن نتعرف

[nesma]

انا بق نسمة من مصر
سنة 19 بدرسى ممكن ترحبوة بها

[x_man]

اصراحة موضوع كويس وانا هقول
الاسم:اسامة المصري
العمر:بين16و17
المكان:انا مقيم في السعودية مصري من المنيا واي خدمة انا جاهز

[احمد فراااج 20]

شكرااااا على الفكرة الحلوة دى وانا ان شاء اللة هنفذها

[حاكم القلوب]

شكرا على الموضوع الشيق جداا جداا
وأقول خلي اي واحد يعبرنا وشكراا

[osama_aya]

السلام عليكم ورحمة الله وبركاته اتز فري ايديا برنسيسا اسمي اسامة 19 سنة من بورسعيد ومخلص معهد حاسبات ومعلومات معهد خاص ولسة مخطبتش وعايز اخطب بس اخطب عروسة مش اخطب فى جامع اوك باااى

[اوشة 26]

بصراحة هى فكرة جميله انا موافقة وياريت تتنفذ بجد برافوا عليك على الاقل يمكن لوحد عنده مشكله نعرف نشركه فيها

[البلطجى]

لا والله فيكى الخير ... ربنا يكتر من امثالك ...آمين
انا عضو جديد على فكرة... لااااانج.... وعاجبنى قوى المنتدى المطررقع ده.....
ويارب دايما الناس تكون مطررررقعة ....

[princess of egypt]

مرسي اووووووووووووي يا جماعه تعاونكم معايا ومشاركتكم في الموضوع
انا كل شويه بغيب وارجع كدا انا شخصيا زهقت
بس اعمل ايه بئا الامتحانات الله يخربيتها
بس خلصت وفضيتلكو يا احلى اعضاء واجمل منتدى
وبأذن الله هفضل معاكو لغاية ما نرجع للقرف تاني
ومنورين الموضوع كلكم

[شعبان البغبغان]

بجد موضوع يستاهل احلي تسقيف يا برنسيس

[anosh]

بصو ا باه انا اعتبر ياعنى عضوه جديده ومعرفش حد هنا خالص غير بعضكم ياعنى انا هعرفكم بنفسى
انا اسمى الحقيقى نهى
من طنطا الغربية ياعنى
سنى 16 سنه
2ثانوى عامه طبعا
ودعوتكم معايا باه على شان النتيجه يوم 17
انوش

[princess of egypt]

اهلا بيكي يا نهى منوره الموضوع
وبعدين يا بنتي انتي مظبطانا بمواضيعك ومن احسن الناس هنا
ربنا معاكي نتيجتك بكرا ابئي طمنينا

[anosh]

من عنيا اول وحده تعرف جبت كام

[princess of egypt]

معلش يا انوش انا غلطت التواريخ عندي ضربت
بس انا سمعت ان النتيجه النهارده بليل
ولا دول اوائل الثانويه العامه

[نور القمر]

اولا اشكرك كتير يا برنسيس على موضوعك الجميل

بس انا لو كنت شفته من الاول كنت جيت وعرفتكو بنفسى

ثانيا بالنسبه لانوش يارب يوفقك ان شاء الله بمجموع كبيييييييييييييير بس متنسيش

الحاجه الحلوه لينا كلنا هنا وتقريبا النتيجه ظهرت امبارح بالليل

يالله بئه تعالى طمنينا عليكى

[princess of egypt]

اهلا بيكي يا نور في الموضوع

ويا ستي احنا فيها
عرفينا بنفسك
لاننا بجد نفسنا نتعرف بيكي اكتر
وانا اكتر واحده
ميرسي يا قمر على مرورك